Dit is ein berich van ‘t Greuzel Ensemble Venlo det alweer veur de zoëvuulste maol in de weer is met de veurbereidinge veur inkele prachtige côncerte.
Côncerte die deze kiër gegaeve waere in ‘t Raodhoes te Bliërick, op vriëdaagaovend 21 maart, zaoterdaagaovend 22 maart; aanvang allebei 20.00 oor en zôndaagmôrge 23 maart aanvang 11.00 oor.
De herinneringe gaon truuk naor de letste grandiose côncerte, gegaeve in de alde vertrouwde Venlonazaal, dae strakkes allein nog historie is en aafgebraoke wuurd.
Weej kinne ôg, truukkiekend op kiepevel momente, garandere det de kômmende oëtveuringe net zoë schoeën waere met eine lach en ein traon.
Greuzel Ensemble Venlo telt 22 muzikante, 18 koerleeje en 8 soliste.
Het gehiel steit onder leiding van Sef Gubbels, dae auk de arrangemente, saame met Wim Naus, op ziene naam haet staon.
Weej zeen ôg gaer in ’t Raodhoes in maart 2025!
Veur inlichtinge:
Wiel Gatzen, afd.: PR
Mobiel: +31 6 27 44 54 30
De entree kaartverkaup is al in volle gang.
De kaarte kint ge bestelle € 10 p.p. via:
https://www.greuzelensemble.nl
Names Greuzel Ensemble Venlo
Sef Gubbels, orkestleider.