Schransplank tiédes de Hiérezitting

't Raodhoes haet spesjaal veur de Hiérezitting van zondaag 17 fibberwarie ein 5-tal schransplanke ontwikkeld. De hiére die lekker wille geneete van ein pilske en 't programma kinne zich auk tegood doon aan lekkere hepkes oét de keuke van 't Raodhoes.

As dich tiédes de zitting ein van de planke bestels geit d'r per bestelling (plank) auk nog 1 consumptiebôn (waerd van € 2,30) nao de Voedselbank.

De volgende schransplanke zien beschikbaar veur 5 consumptiebônne.
1. Worsplank
2. Kiésplank
3. Wors & Kiésplank
4. Variaplank
5. Werm snackmendje

De planke zien veur ongevier 5 persoéne en zien allein te bestelle tiédes de Hiérezitting. De introduksie van de plank haet te make mit 't besloét van de Wortelepin um gen eige aete mier toe te staon tiédes 't evenement.

Euverigens is 't auk nog meugelik um veur de zitting te brunche.