02-10: Liedjesavond de Wortelepin

De Wortelepin organiseert op zaterdag 2 oktober 2021 de liedjeswedstrijd.

De liedjesavond wordt weer live uitgezonden door Omroep Venlo TV. 

Lees hier het bericht van De Wortelepin:

Liedjesaovend VG de Wortelepin, zaoterdaag 2 oktober 2021

Ónder ’t nieje motto van 2022, “Dao genete weej van” zal op zaoterdaag 2 oktober 2021 de Liedjesaovend van Vastelaovesgezelschap ‘de Wortelepin’ plaatsvinde. Veuraafgaond aan deze aovend vindt de veurselectie plaats op maondaagaovend 13 september 2021 en de repetitie veur de veurselectie op dónderdaagaovend 9 september 2021. De uterlike inleverdatum van de liedjes is vastgesteld op zóndaag 1 augustus 2021.

Ofschoeën weej gestart zien met de veurbereiding, loupe weej veurasnog neet te hard op de meziek veuroet veur wat betref de opzet van de Liedjesaovend. Haopelik guuef ’t de kómmende tied mier dudelikheid en kinne weej dit ouk nao óg kommunicere. D’r is ós alles aan gelaege um de Liedjes op de Liedjesaovend waerdig te presentere.

Hesse zin um mei te doon, wilse advies of hölp beej ’t schriéve of arrangere, schroom neet en neem kontak met ós op. Weej helpe dich gaer op waeg. Laot dien vastelaovestalent hure en zeen, want “Dao genete weej van.”

’t Regelement en de vermelde data zulle binnekort op de site van Vastelaovesgezelschap ‘de Wortelepin’ (www.wortelepin.nl) waere gepubliceerd. Weej behalde ós ’t rech um tössetieds aanpassinge of aanvöllinge te doon, mocht det door umstandighede van toepassing zien.

Wilt geej op de huuegte blieve euver de óntwikkelinge met betrekking tot de Liedjesaovend, volg de berichgaeving van Vastelaovesgezelschap ‘de Wortelepin’ heejumtrent of steur ‘n e-mail nao Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.. Geej óntvangt dan geregeld informasie van ós per e-mail.